380
REGISTRES DU BUREAU
[-576]
DCCXLVI1. -— [Nouvelle publication de la susditte paix.]
16 mai 1575. (Fol. 3i3 v°.)
Et le mercredy seizeiesme dudict mois, fut de rechef laditte paix publiée par les carrefours de lad. ville par quatre heraulx d'armes, accompaignez de
cinq trompettes du Roy, et assistez de Messieurs le Lieutenant civil et Chevalier du Guet f1'.
DCCXLVII1. — [Ordonnance du Bureau] pour le boys et charbon,
Mai 1576. (Fol. 3i4 r° (-).)
De par les Prevost des Marchans et Eschevins de la Ville de Paris.
k Sur la requeste faitte par le Procureur du Roy et de la Ville, des contraventions faittes aux Ordon­nances de la Police lant par Ies marchans de bois [et] charbon, que par les Charliers, crocheteurs, gaigne deniers et débardeurs, qui commettent journellement plusieurs abbuz et exactions sur les bourgeois de la­ditte ville;
"Il est expressement inhibé et deffendu à tous marchans de charbon et bois, tant dans la ville que aux forains, de ne vendre les bois, charbon et mar­chandises par dessus les taux contenuz es arrestz de la Court et Ordonnances politicques de laditte Ville : sur peine de confiscation de leurs marchandises et d'amende arbitraire.
"C'est assavoir :
le gros bois neuf, quatre livres dix solz tournois la voye,
le bois flotté, lxx solz tournois la voye,
les Cotterel/., l solz le cent,
les fagotz, xxxvii solz vi deniers le cent,
les bourrées, xxv solz le cent.
"Et quant ausdictz crocheteurs, chartiers, gaigne deniers et desbardeurs, de ne faire aulcunes pille­ries ou exactions sur lesdictz bourgeois de laditte ville : sur peine de pugnition corporelle.
"Et aux jurez mesureurs de charbon, compteurs et mosleurs de bois, de faire residence actuelle sur les portz, venir journellement au Bureau de laditte Ville dénoncer et rapporter les contraventions et fraudes qui y seront commises au prejudice des susdictz arrestz de la Court : sur peine de suspension de leurs offices et d'amende arbitraire.
"Et sera la presente Ordonnance publiée sur les quais et portz de laditte ville, affin que personne ne puisse pretendre cause d'ignorance.
"Faict ce.. . f3' jour de May m vc lxxvi.»
Laquelle publication de la presente Ordonnance a esté faitte comme il est porté par icelle.
DCCXLIX. — Second feu de joye à l'arrivée de la Royine Mere en ceste ville.
20 mai 1576. (Fol. 3i4 v°.)
Ce jour d'huy dimanche vingtiesme May m v° lxxvi , Messieurs les Prevost des Marchans el Eschevins de la Ville de Paris furent, par le commandement du Roy, au devant de la Royne sa' Mere jusques au pont de Charenton, où le Roy alla luy mesmes.
Laquelle arrivée(4), ledict jour fut faict en son hon­neur et congrattulation de la paix, et par le com­mandement aussy du Roy, ung feu de joye devant l'Hostel de laditte Ville, où fut tiré[e] l'artillerie d'icelle Ville.
O Le Registre donne ensuite rOliDO.v.v^Aciï pooh les ii mil Suisses, du io mai, qui est rapportée plus haut, art. DCCXL11. W Au Registre, ce document fait suite immédiate de VOrdounance du io mai : voir la note précédente. ;3' La date du quantième est restée en blanc à l'original.
-1' On a vu plus haut (note 1 de la page 378) que Catherine de Médicis s'était interposée activement pour faire cesser les hostilités ct ramener l'union entre se3 deux fils.